|
| 可能因為就快出發, 而旅行的準備並未完成, 所以近日都經常失眠. 明明攰爆, 但晚晚都睏唔著, 好難頂!!! 今日返工都極度疲累, 放工又要等關門, 搞到3:25先離去. 加上工作上出現不如意事, 所以都幾冇mood. 4:40 到達林某家. 打電話話佢聽我就快到啦, 點知俾我聽到佢把聲極度敷衍, 聽到又真係唔多開胃. 心想: 可能前世做左好多壞事, 所以今世要俾佢恰... 去到佢屋企休息左一陣, 睇tv, 同佢屋企人傾下偈, 心情才好轉過來.... 之後又同佢執行李, 事實上, 係我同佢阿媽, 阿爸一齊執, 勁呀, 佢真係威!!!! 幫佢執完行李, 真係減輕我一個煩惱, 好野!!!! 晚上同佢屋企人一齊dinner, 其實真係好肚餓, 因為對上0個餐已經係8:30食既早餐喇....實在太疲累了!!!! 之後我地出左去mk買相機, 好多謝6+豪, 佢幫我打電話就留左部相機俾我, 除左打左個95折外, 仲送左好多贈品俾我, 多晒!!!! 玩到10:00就約阿昌出黎吹水, 其實當時超攰, 隻眼都爭唔大, 不過絕對冇後悔出左黎見佢. 我地由10:15傾到11:45, 快樂不知時日過. 我倆實在太耐冇傾過, 今晚覺得好爽, 好暢所欲言!!!!! 得別鳴謝阿欣送俾我的小禮物, 用佢地既機會真係唔多, 除非我要扮王秋生 (龍過雞年之造型). 無論如何, 好多謝你愛屋及烏. 哈哈哈!!! 是夜除左update大家的近況, 亦傾左好多價值觀, 待人處事的看法. 我地仲講左好多對大家的睇法添, 唔係識左咁耐, 又點敢講對對方的睇法丫. 的確, 既重視又珍惜自己的朋友真係買少見少, 我相信友誼唔係無啦啦變出黎. 係要透過好多經歷, 相方的投入, 重視, 友誼的種子長會開花結果. 你對我的認識有幾深? 你眼裡有冇見到我? 有選擇的情況下, 唔知我又係排第幾位呢? | | |
| 本來今晚冇意外出DINNER, 不過收到個SMS後, 覺得今晚要出去. 雖然有人放飛機, 不過我知道係情有可原......是夜同左左丁丁食晚飯, 感覺好滿足. 自丁丁從北京回來已經好想見佢, 不過遲遲約唔到. 今日見佢隻手包住左, 見到都好心痛, 希望丁丁隻手指能夠早日康復...今日丁丁著左新外套, 最巧妙的是我早前亦買左件同款的. 其實都唔係第一次, 因為我地有一個相同的手袋, 涼鞋, 而我有對波鞋亦係佢曾經睇中過架......我地既TASTE真係好相似, 好彩對男人的TASTE唔一樣GEI......哈哈哈!!!!! 今日無聊諗, 其實我都有唔少知心的朋友...可能對佢地有要求, 所以有時都會介意佢地唔重視我架...喂, 就算拍拖都好, 唔好忽視我呢個朋友, 唔係我會呷醋架.... | | |
| 今朝做左乖乖女, 陪媽咪行百貨公司, 買左d日用品就返home搵資料, plan去旅行d野, 不過實在太眼睏, 之後又睏著左.....睏醒就出席peggy, kolo的婚禮. 識左佢地實在太耐, 可以話一同成長, 見證佢地的愛情故事, 今日拉埋天窗, 真係戥佢地開心...成班fd聚埋一齊, 又討論究竟邊個係下一名幸運兒呢, 哈哈哈....... | | |
| 星期六放工後入元朗搵siumui, 去街市買左些少送就上佢屋企hea. 接著收到好多朋友的電話, 又話遲黎買唔到野等等, 聽完之後心情已經唔係幾好. 由於其他人比預期中為遲, 結果我同siumui 6:20再出去街市火拼....返到黎, 我地各人整好自己的菜式, 佢地就差唔多先黎到, 當時已經係8:00. James負責炒蜆, 佢帶晒食譜上黎, 見到佢非常有heart, 不過整呢味送要用的醬料非常多, 所以味道好好~~~ 而好麻煩的山地, 初時佢話乜都唔識整, 最後俾我同siumui迫佢炒蝦, 味道都唔錯喎, 全因為有李錦記醬料. 第時做師拉就一定要買定幾包旁身!!! 至於小梅今日整雞翼, 可能因為隻翼太肥美, 所以唔係太熟, 但味道係ok. 我就整左碟排骨, 熟同埋有味架, 哈哈! 不過林某竟然冇幫襯過, 好過份!!!! 同場加映大閘蟹&平安飯, 前者係去街市買$100/3, 因為唔識食, 所以買隻cheap野返黎算!! 後者就因為siumui想縮皮, 怕我地食晒佢d米, 所以唔知0係邊喥變左包平安米返黎......不過都多謝佢包米, 令到我地成班人都好平安............... | | |
| 楊梅, 限你月底前要完成習作, 否則我會質你食翻譯海綿!!!!! | | |
|
